اولو تانری نین آدیلا
اردیبهشت آیی نین 12 سینده اردبیل شهریندن بیر کیتاب آلدیم آدی "اون شاعردن یوز غزل".
کیتاب 1377 اینجی ایلده اردبیل شهرینین "آذر سبلان" مطبعه سی طرفیندن چاپ اولونموشدو. کیتاب دا 10 اردبیللی شاعیردن (حاج انور-چاووش – سخنور – شاهی – صادق – عاصم – معماری – منشی - میلاد و ائلچی) هره سیندن 10 غزل گتیریلمیشدیر. کیتابین بیر شعرینی حؤرمتلی اوخوجولارا اتحاف ائدیرم.
"آز یاشارام، ناز یاشارام"
بولبولم سه، اوچورام اؤز گولومون ساغلیغینا
غونچایام سا، آچیرام بولبولومون ساغلیغینا
....
عاشیقام سا، بیلیرم اؤز سازیمین حورمتینی
وورغونامسا، اؤلورم سوگیلیمین ساغلیغینا
....
بیر شامام سا، یانیرام هر گئجه باشدان آیاغا
گوزگولرله بزه نن محفیلیمین ساغلیغینا
....
آنا یوردون اونودان ناخلف ائولاد ده ییلم
اینجه سؤزلر یازیرام اؤز ائلیمین ساغلیغینا
....
ال – آیاق، قان آراسیندا – چالاراق جان وئریرم
یاری بسمل سایاغی، قاتیلیمین ساغلیغینا
....
غمه دولدوقجا، کؤنول باده نی آرتیق دیله ییر
ساقیا ! ... مئی وئر ایچیم نیسگیلیمین ساغلیغینا
....
"میلاد"ام، آز یاشاسامدا، بونو بیل ناز یاشارام
چکمه رم ال قلمیم دن، دیلیمین ساغلیغینا
Selam dadaş, çox gözel şiir seçibsen bloginda qoymağa.
ReplyDelete